Jigjiga (ESTV ) 16/07/2016

Xafiiska adeega shacabka iyo kobcinta cududa shaqaalaha DDSI oo ka duulaya taabo galinta qorshaha labaad ee koboca iyo isbedelka  dhaqaalaha dalka iyo deegaanka  ayaa dadaal dheer ugu jira  xoojinta awooda fulineed ee cududa shaqo ee DDSI  taasi oo qayb ka ah, tiirarka lagu hirgalinayo horumarka deg dega ah ee joogtaysan.

Haddaba xafiiska adeega shacabka iyo horumarinta cududa shaqada  aya maanta u soo xidhay tababar in mudo ah u socday gadhwadeenada geedi socodyada maamuulka cududa shaqaalaha xafiisyada heer deegaanka . Waxaana ka soo qayb gashay munaasabadii lagu xidhayay tababarkan wasiirka xafiiska adeega shacabka iyo horumarinta cududa shaqaalaha DDSI marwo Maajida Maxamad Maxamuud.

Waxayna wasiiradu ka warbixisay Ujeedada iyo ahmiyada uu xambaarsanaa tababarka  la xidhayo maanta. Waxayn sheegtay in uu ahaa nidaamka xoojinaya hirgalinta qiimaynta  darajo siinta shaqada. Wasiirada ayaa tilmaantay  in ay tahay in la  miisaamo culayska booska shaqada  iyada oo  dhamaan shaqooyinka lagu cabirayo tab loo xushay, lana  fudaydinayo  nidaam kharash bixineed oo caddaalad ah, heer dalna midaysan, shaqooyinka isku midka ahna lagu bixinayo kharash isku mid ah, lana xoojiyo  cudud shaqaale oo xasiloon. Waxayna wasiiradu ku boorisay xubnahan qaatay tababarkan in ay  dadaal dheer iyo fir fircooni  la miyaadaan   sidii loogu talagalay u hirgaliyaan cilmigan ay barteen mudadii uu socday tababarka.

Dhankooda xubnihii qaatay tababarkan oo la hadlayay warbaahinta deegaanka ayaa sheegay in ay fahan buuxa ka qaateen nidaamkan darajo siinta shaqada kana hirgalinayaan xafiisyadii ay ka socdeen.

Isku soo wad duub oo nidaamkan qiimaynta iyo  darajo siinta shaqada oo ah nidaam dalka iyo deegaanada hadda laga hirgalinaya   ayaa ah mid  qeexaya ujeedada uu leeyahay booska shaqo, natiijada laga sugayo booska, xilalka iyo waajibaadyada ugu waaweyn ee shaqada lagu fulinayo, kartida iyo khibrada ay u baahan tahay gudashada shaqadu, iyo xaalada jewiga shaqo.