Mareykanka (NogobNews) 26/07/2016

Murashaxa Madaxweyne ee xisbiga Jamhuuriga Maraykanka Donald Trump ayaa eedeyn cunsurinimo kala dul dhacay murashaxada kasoo horjeeda ee Xisbiga Dimuquraadiga Hillary Clinton.

 

Trump oo xiligan ay soo wajahday cabsi ah inuu heli waayo codod ku filan ayaa olole xoogan todobaadkan u galay siduu ku heli lahaa cododka dadka laga tiro badan yahay ama Madowga Maraykanka. Wuxuun khudbadiisii ugu danbeysay ku sheegay in Hillary Clinton ay iyadu tahay qof cunsurinimo ku dhaqanta oo Madowga Maraykanka codkooda kaliya raadisa marka ay tartan ku jirto balse aan dadyowgaasi waxna u qaban.

Hillary Clinton oo arrintan iyaduna si degdegleh uga jawaabtay ayaa sheegtay in Donald Trump uu yahay kan cunsurinimadiisa aan qarsan isla markaana taageero iyo isbaheysi ka helay ururada cunsuriyiinta ah ee ka jira wadankaasi.