Siiriya (NogobNews) 09/09/2016

Diyaaradaha Maraykanka ayaa lagu soo waramayaa inay duqeyn ku dileen mid kamid ah hogaamiyayaasha Kooxda NUSRA oo horey uga mid ahaan jirtay Shabakada Al Qacida.

Abu Hajer al Homsi ayaa kamid ahaa asaasayaasha Jabhatul Nusra oo dhawaan sheegtay inay isaga baxday Al Qacida isla markaana la baxday magaca [Jabhatul Fatax Al Sham].

Hogaamiyahan ayaa la sheegay inuu ku sugnaa magaalada Aleppo oo ay ka socdaan dagaalo xoogleh, magaaladaasi ayey dhaq dhaqaaqyo militari ka wadaan kooxaha mucaaridka Siiriya iyo ciidamada Dowlada iyadoo dhinac walba doonayo inuu la wareego magaaladaasi muhiimka ah.

Abu Hajer oo magaciisa runta ah yahay Abu Omar Saraqeb ayaa waxaa geridiisa xaqiijiyey saraakiisha kooxdaasi iyo warbaahinta xiriirka laleh Al Nusra.