Juba (NogobNews) 13/10/2016

Madaxweynaha Sudaanta Koonfureed Salvakiir ayaa socod ku maray bartamaha magaalada caasimada ah ee Juba kadib markii ay soo baxeen warar been ah oo sheegaya inuu dhintay.

Salvakiir oo saxaafada kula hadlay magaalada caasimada ah ayaa sheegay in lagu khasbay inuu banaanka usoo baxo oo uu beeniyo geeridiisa, isagoona la yaab ku tilmaamay wararka laga faafiyey.

Dalka Sudaanta koonfureed ayey weli ka taagan tahay xiisado dagaal, waxayna wararka sheegayey geerida Salvakiir ay sare usii qaaday xiisadii dalkaasi horey uga jirtay.

Dhinaca kale dowlada Kenya ee jaarka la ah Sudaanta Koonfureed ayaa ku hanjabtay inay cunaqabateyn kusoo rogi doonto hogaamiyayaasha wadankaasi hadii aysan ka shaqeyn nabada.

Hogaamiyaha Mucaaridka Sudaanta Koonfureed horeyna u ahaa Madaxweyne kuxigeenka Reik Machar oo hada arrimo caafimaad u jooga dalka Koonfur Afrika ayaa lagu wadaa inuu dhawaan dib ugu noqdo dalkiisa, isagoona qorsheenayo weeraro ka dhan Madaxweyne Salvakiir.