Jabuuti (NN) 17/11/2016

Diyaaradda Air DJabuuti oo dhawaan duulimaadkeedii ugu horeeyey ka bilowday magaalada Muqdisho ee caasimadda Soomaaliya, ayaa waxa ay  duulimaad ka bilowday Puntland-Soomaaliya.

Diyaaradda Air DJabuuti ayaa soo caga dhigatay markii ugu horeysay garoonka magaalada Bosaso, muddo 25 sano kadib.

Xaflad lagu daah- furayey duulimaadyada Air DJabuuti ee Puntland ayaa waxa ay ka dhacday gudaha garoonka , waxaana ka soo qeyb galay maamulka gobolka Bari, kan degmada Bosaso, xubno ka tirsan golaha wasiirada, ganacsato iyo dad weyne fara badan.

Diyaaradad ayaa keentay duulimaadkii ugu horeeyay, waan fursad  u soo korortay shacabka Soomaaliyeed.