Yemen (NN) 18/11/2016

Waxay markale dagaalo culus ka bilowdeen magaalada Ticis ee dalka Yemen xili lagu waday in la dhaqan geliyo xabad joojin cusub.

Todobaadkii hore ayuu Xoghayaha Arrimaha dibada ee Maraykanka John Kerry ku dhawaaqay in Khamiista iyo maanta oo Jimce ah hirgeli doonto xabad joojinta cusub.

Waan waanta ugu danbeysay ee laga dhex waday Dowlada Yemen iyo kooxda Xuuthiyiinta ayaa waxaa iska kaashanayey Dowlada Cumaan iyo Maraykanka.

Dagaalka ka socda wadanka Yemen muddo ka badan 20 bilood ayaa waxaa ku dhintay kumanaan dad ah, dalkaasi ayey hada ka jirtaa macaluul saameysay shacabka oo aan heysan cunto ku filan.

Marar badan ayaa lagu guuldareystay iskudayo kala duwan oo ku aadanaa sidii xala nabadeed looga gaari lahaa dagaalka u dhaxeeya Xuuthiyiinta oo ah shiicada Yemen iyo dowlada taageerada ka helaysa isbaheysiga Sucuudiga hogaamiyo ee dalalka khaliijka.