Cadaado (NN) 27/11/2016

War-saxaafadeed ka soo baxay xafiiska Madaxweynaha ee Galmudug ayaa lagu sheegay in Galmudug aysan la shaqeyn karin xubinta guddiga xalinta khilaafaadka doorashada 2016 uga masuulka ah Galmudug, waxaana ay ku tilmaameen qof carqalad ku ah doorashada, warka Galmudug ayaa soo abxay iyada oo maalintii shalay guddiga xalinta khilaafaadku sheegeen in kursi Beesha Wacaysle/Cali gaaf ay ahayd in Haween ku tartamo oo hadda uu ku soo baxay Agaasime kuxigeenkii Villa Somalia.

Wararka Cadaado yaal ayaa sheegaya in xubintaas lagu amrey in ay deg-deg uga baxdo magaalada, waxaana wararku sheegay in ay tahay qof haween ah, tan oo baasiin ku sii shubi karta wel-welka laga qabey in kuraas badan dib loogu laabto.

Qaar kamid ah kuraasta Aqalka Hoose gaar ahaan kuwii lagu doortey Cadaado iyo Jowhar ayaa beesha caalamku sheegayaan in aysan u dhicin sidii loogu tala galay, gaar ahaan ergooyinka oo dadka qaarkiis iska soo qorteen iyo kuraas haween loogu talo galay oo rag u tartamey.

War saxaafadeedka Galmudug ayaa lagu yiri:
Annagoo ka amba qaadeyna habsami usocodka geedi socodka doorashooyinka iyo in doorashooyinku ay ku dhammaadaan si nabad ah oo xasilloon ayaa Maamulka Dowlad Goboleedka Galmudug wuxuu dacwad liddi ku ah Madaxa Wakiilka Guddiga Xallinta Khilaafaadka ee ku sugan Galmudug u gudbiyey Gudoomiyaha Guddiga Xalinta Khilaafaadka, kadib markii maamulku uu arkay in xubintaas wakilka ka ah Guddiga Xalinta Khilaafaadka ay ku dhaqaaqday arrimo kabaxsan waajibaadkii shaqo, kuwaas oo qas iyo iska hor imaad ku abuuray bulshada, caqabado iyo turaan turooyinna ku ah habsami u socodka hawlaha doorashooyinka.

Haddaba, annagoo ka duulayna arrimahaas waxaan Gudoomiyaha Guddiga Xalinta Khilaafaadka ka codsaney inuu la nalagala laabto xubintaas nooguna soo badalo dad aan wada shaqeyn karno.

Dowlad Goboleedka Galmudug waxay cadeyneysaa, in ay diyaar u tahay in ay iskaashi buuxda layeelaneyso dhammaan Guddiyada loo igmaday doorashooyinka gaar ahaan Guddiga Xalinta Khilaafaadka, waxayna guddiyadaas ka rajeyneysaa in ay dhawraan Kona shaqeeyaan waajibaadka shaqo ee loo xilsaaray.
Xafiiska Madaxweynaha Galmudug
Email: cos@gaiffiodeggiffiso