Garoowe (NN) 22/12/2016

Caasimadda Puntland ee Garoowe, waxaa si weyn loogu soo dhaweeyay Xildhibaan Ilhan Cumar iyo seygeeda axmed Xirsi, oo maanta ka soo degay garoonka diyaaradaha ee Konooko ee magaaladda.

Ilhan Cumar waxaa soo dhaweeyay masuuliyiin ay ka mid yihiin Guddoomiyaha Barlamaanka dowladda Puntland, Wasiirka Maaliyaddad, Guddoomiyaha gobolka nugaal, Duqa degmadda Caasimadda, Masuuliyiin kale oo ka tirsan labada golle ee dowladda, ururada haweenka puntland, dhalinyaro iyo boqolaal dadweyne ah oo ku labisnaa calanka Soomaaliyeed iyo midka Puntland

[AdSense-A]

Ilhan oo la hadas masuuliyiintii iyo boqolaalkii qof ee soo dhaweeyay ayaa ugu horrayn uga mahadnaqday sida ballaaran ee loogu soo dhaweeyay caaasimadda, waxayna sheegtay inay aad ugu faraxsan tahay inay soo booqato magaaladda Garoowe.

Gabagabadii, Ilhan waxay galabta si rasmi u furi doontaa tartanka Kubadda Kolayga gabadhana ee maamul goboleedyada dalka, kaasi oo ka furmi doonaa magaaladda Garoowe, markii u horraysay.