Mareykanka (NN) 29/12/2016

Dood xoogan ayaa ka dhex maamulka FIFA iyo ururada Kubada cagta ee Qaaradaha Kala duwan oo doonayo in la kordhiyo tirada kooxaha ka qeyb qaata ciyaaraha Koobka Adduunka.

 

Qorshahan ayaa ah mid la doonayo in kooxaha gaaraya 32 ee hada ka qeyb qaata Ciyaaraha Finalka ee Koobka Dunnida laga dhigo tiro gaareysa 48 kooxood.

[AdSense-B]

Arrintan ayaa waxaa si weyn u taageersan dalal badan oo aaminsan inay fursad u heli karaan kooxahooda inay usoo baxaan koobka Adduunka.

Madaxweynaha cusub ee FIFA Mr.Gianni Infantino oo arrintan si weyn u taageersan ayaa sheegay inuusan isagu u dhaqmi doonin qaabka sidii Kali-Taliye ah isla markaaana uu soo dhaweenayo fikirada kala duwan, wuxuuna sheegay in ahmiyada laga leeyahay qorshahan cusub ay tahay in la balaariyo Koobka Adduunka oo ay wadamo badan fursado u helaan.