Mowsco (estvlive) 15/04/2017

Kullan saddex-geesood ah oo magaaladda Moscow ay ku yeesheen wasiiradda Arrimaha dibada ee Ruushka, Iiran iyo Siiriya ayaa mar kale Maraykanka uga digay in weerar kale uu ku qaado dalka Suuriya, waxayna dalbadeen in baaritaan caalami ah lagu sameeyo weerarkii  Hubka sunta ah loo adeegsaday ee  4tii bishan ka dhacay Dalka Suuriya

 

Wasiirka arrimaha dibadda ee Ruushka Sergei Lavrov oo martigalinayay shirka wuxuu ka digay  weerar kale oo maraykanku ku qaado Siiriya aysan wax u dhimayn oo kaliya gobolka balse ammaanka oo caalamka oo idil, isagoo ku tilmaamay weerarka maraykanka mid xadgudub ku ah sharciyada Caalamiga ah.

Wasaaradda arrimaha dibada ee Maraykanka ayaa difaacday go’aanka madaxweyne Donald Trump ee weerarka, iyagoo ku tilmaamay inu ahaa sharci, oo loo cudur-daari karo , iskuna dheelitirnaa, waxayna sheegeen in weerarkii hubka kiimikada ee dadka badan lagu laayay uu yahay dambi dagaal oo mudan in lagu xisaabtamo Madaxweynaha Suuriya Bashaar Al-asad.

Ugu dambayntii, Wasiirada arrimaha dibada ee Iiran iyo Suuriya Walid Muallem  iyo Mohammed Javad Zarif ayaa dhinacooda sheegay in kulankan iyo go’aamada ka soo baxay shirku uu fariin culus u dirayo maraykanka, oo ay ka jawaabi doonaan weerar kale oo lagu soo qaado dalka Suuriya.