Baladweyne (estvlive) 19/04/207

Iyadoo ay kor u sii kacday dadka u dhimanaya gaajada, Haraadka iyo cuduradda ka dhashay nafaqo darada  ayaa degaanka Ceel Cali ee gobolka Hiiraan ee bartamaha Soomaaliya waa Gaajo iyo haraad ugu geeriyooday  33 qof oo  u badan caruur iyo Dumar

 

Guddoomiyaha degmada Ceel Cali ee gobolka Hiiraan Abiikar Yarow oo wareysi gaar ah siiyey Idaacada  Dalsan muqdisho, wuxuu sheegay  xaalado adag oo nololeed oo ay sababtay abaartu ay ka taagan yihiin  12 tuulo oo hoos yimaada degmada Ceel Cali

” Waxaa gaajo iyo haraad ugu dhintay 12 tuulo oo hoos yimaada degmada Ceel cali 33 qof, markii ay waayeen waxay cunaan iyo waxay cabaan” ayuu yiri Gudduumiye Abiikar

Wuxuu sheegay in ilaa iyo hadda waxba laga qaban dhibaatadaasi, wuxuuna ku baaqay in gurmad deg deg ah lala soo gaaro dadka degaanka oo xoolihii ay ka dhamaadeen si loo badbaadiyo nolosha dadka oo halis ugu jira inay gaajo iyo haraad u dhintaan

Dhinac kale, Guddoomiyaha maamulka gobolka Hiiraan Cali Jeyte Cismaan ayaa eedeyn u jeediyay gudiga gurmadka abaaraha, isagoo ku timaamay guddi aan u adeegeen bulshadda Soomaaliyeed,

‘’ warbaahinta ayaan ka aragnay guddoomiyaha gudiga oo leh gobollada dalka oo dhan waxaan u kala dirnay min $ 150,000 kun doolar, annagana ilaa iyo hadda xitaa $ 1 doolar kama heyno, su’aasho waxaa ay tahay miyeeynaan ka mid aheyn gobolladaa la sheegayo’’ ayuu yiri guddoomiyaha

Gabagabadii, Madaxda federaalka iyo Maamul goboleedyada dalka oo toddobaadkan ku shirsanaa magaaladda Muqdisho ayaa walaac ka muujisay xaaladda abaaraha ee kasii daraysa, taasoo galaafatay nolosha dad iyo duunyo fara badan, keentayna barakac baahsan.