Kenya (estvlive) 30/04/2017

Dowladda Kiiniya ayaa sheegtay in ay dishay taliye K/xigeenkii  Al-shabaab ee Gobolka Gado Cali Shangolow iyo  Dagaalyahanno ka tirsan Maleeshiyaadkaas ka dib Duqaymo iyo howlgal ay ka fuliyeen degaanno ka tirsan gobolka Gedo intii u dhaxasay  25-26 April, 2017

Afhayeen  u hadlay ciidamada  Kiiniya wuxuu  sheegay in diyaarado Helicopter ah oo ay leeyihiin ciidamada Kenya ay duqeeyeen Saldhigga Al- Shabaab ee degaanka War-Gaduud oo u dhow degmada Ceelwaaq ee gobolka gedo,halkaasina ay ku dileen daraasiin Al-shabaab ah.

 

Afhayeenku  oo la hadlay Warbaahinta Kenya wuxuu kaloo xusay in duqaymo kale oo ciidamadu kiiniya  ay ku bartilmaameedsadeen kooxaha al-shabaab ay ku dileen tiro kale o Al-shabaab ah, hase yeeshee ma uusan faahfaahin  tirada dadka ku dhintay weerarkaasi.

Kooxda Al-shabaab oo ku xoog badan Koofurta bartamaha iyo koofurta Soomaaliya ayaa weli ka hadlin sheegashada Kiiniya, hase yeeshee dhowr jeer oo hore oo Kiiniya ay  sheegtay inay dishay tiro badan oo maleeshiyaadka Al-shabaab ayaa waxaa beeniyay kooxda Al-shabaab.