Bruseless (estvlive) 26/05/2017

Donald Trump oo lagu tilmaamo shakhsi aad isula weyn, ayaa ku kacay shirkii Gaashaanbuurta Nato ee Br useless maalintii Khamiista arrin si weyn looga hadal hayo baraha bulshada iyo weliba warbaahinta waaweyn ee Maraykanka taas oo ah in uu kala tuurey ama riixey Raysalwasaaraha dalka Montenegro Dusko Markovic oo xubin ka ah Gaashaanbuurta NATO, marka uu riixaayo waxa uu u diidanaa in uu hor socdo, waxaana ficilkiisu u muuqdaa dalalka awooda leh ayaa safka hore iska leh ee adiga jidka ka leexo.

 

Mar la weydiiyey Raysalwasaaraha dalka Montenegro Dusko Markovic sida uu arkey in la riixey gadaalna la mariyey ayuu arrinka dhan dejiyey waxbana kama soo qaadin, taas beddelkeed waxa uu Maraykanka ku amaaney in ay dalkiisa ku taageereen in ay xubin ka noqdaan NATO.

Afhayeenka Aqalka cad Sean Spicer oo la weydiiyey sababta Donald Trump u riixey madax dalal kale ayuu ku jawaabey ma daawan mana arkin muuqaalkaas.

Warbaahinta qaarkeed ayaa ku tilmaamey ficilka Trump ballan qaadkiisi ahaa Puts ‘America First, cid kale nagama hor mari karto.’