Kismaayo (estvlive) 05/08/2017

Asli Xasan Cabaade oo ah Gabadhii ugu horeeysay ee Duuliye noqota, kana tirsanayd ciidamada Difaaca Cirka Soomaaliya oo shalay soo gaartay magaalada Kismaayo ayuu Madaxweynaha Jubaland Mudane Axmed Max’ed Islaam maanta kusoo dhaweeyay aqalka martida ee magaalada Kismaayo.

Marwo Asli ayaa madaxweynaha kulan qado sharaf ah kula qaadatay aqalka Martida Jubaland ee Kismaayo, ayadoo aad uga mahadcelisay sida diiran ee Kismaayo loogu soo dhaweeyay iyo weliba kulanka ay la qaadatay Madaxweynaha.

Madaxweyne Axmed Max’ed Islaam ayaa sheegay in uu ku faraxsanyahay in Kismaayo uu kusoo dhaweeyo Marwo Asli oo ahayd gabadhii ugu horeeysay ee Soomaaliyeed ee Pilot noqota oo ka tirsanayd ciidanka Cirka.

Marwo Asli ayaa intii ay Kismaayo joogtay waxa ay kulamo la qaadatay ururrada bulshada rayidk ah, ayadoo marwada dalxiis u tagtay deegaanada uu maro webiga Jubba ee hoostaga Kismaayo.