Wardheer (estvlive) 19/08/2017

Qurbajoog Gobolka Doolo iyo Qoraxay ayaa Dhawaan kormeer ku maray Degmooyinka deegaanka waxeyna maanta ka ambabaxeen degmada lahel-yucub  ayagoo uga ambabaxay dhankaa iyo Magaalada wardheer xarunta Gobolka Doolo.

Qurbajoogta ayaa sii maray wadada isku xidha Degmada lahel-yucub iyo Demada wardheer qurbajoogta ayaa inta ay wadada sii hayeen waxaa si heer sara ah u soo dhaweynayay bulshada degan Tuulooyin kaasi.

Hadaba Qurbajoogtan Markay gaadheen Magaalada Wardheer Xarunta Gobolka Doolo waxaa si diiran u soo dhaweeyay Bulshada qeybaheeda kala duwan ee ku dhaqan magaalada wardheer.

Qurbajoogta ayaa ugu horreyn waxey layeesheen kulan bulshada qeybaheeda kala duwan ee ku dhaqan degmada wardheer xarunta gobolka doolo kulankaasi ayaa waxaa ku saabsanaa sidii ay gacmaha isku qabsan lahaayeen Qurbajoogta iyo shacabka islamarkaana ay meel uga soo wada jeysan lahaayeen hormarka laxaadka leh ee ka hana qaaday dawlad deegaanka somalida Itoobiya.

Hadaba Kulankaasi kadib ayaa waxey soo booqdeen Mashaaricyada hormarineed xukuumada dowlada ay ka hirgalisay magaalada wardheer Mashruucyada oo ay kamid yihiin Kuliyadda farsamada Iyo xirfadaha ee magaalada Wardheer Iyo Cisbitlka Cusub ee magaalada Wardheer Ceelka Biyaha ee Loogu Magac daray Jiilaal Jabiye Xukumada ay dhawaan ka hirgalisay Magaaladaasi Wardheer.

Booqashada Kadib ayaa Qaar kamid ah Qurbajoogta DDSI Ayaa Warbaahinta DDSI uga Warbixiyay  Mudane C/risaaq Sh Cabdulaahi oo Ka yimid Dalka Sweden ayaa sheegay in ay ka qurbajoog ahaan ay taageerayaan howlaha hormarineed ay xukumadda DDSi ka hirgalisay magaalada Wardheer.

Waxaa kaloo halkaasi warbaahinta DDSI kula hadlay Gudoomiyaha Gobolka Doolo Mudane Maxamed Cabdi Barre iyo Maareeyaha Kuliyadda Farsamada ee Xirfadaha ee Jigjiga Mudane Farxaan Maxamed Kuwaasoo horkacayay Qurbajoogta DDSI

Ugu dambeyntii Qurbajoogta ayaa dhagax dhigay dugsi sare iyoCisbitaal loogu tala galay dadka dhimirka-la qurbajoogtan ayaa ka qeybqaadan doona dhankooda hormarka ka  jira magaalada wardheer ee xarunta maamulka Gobolka Doolo Qurbajoogtan ayaa ku sii wajahan degmada daratole iyo danood Sifa ay indha-hooda ay ugu soo arkaan hormarka ka jira deegaanka