Addis Ababa  (estvlive) 02/01/2018

Wafti uu hogaaminayo madaxwaynaha DDSI mudane Cabdi Maxamuud Cumar oo kakooban 25 xubnood ayaa saaka magaalada jigjiga uga ambabaxay dhanka xarunta dalka ee magaalada Addis Ababa iyagoo madaxwaynaha iyo waftigiisu ugasii gudbi doona dhanka xarunta deegaanka tigray ee magaalada maqale halkaas oo ay kaga qaybgali doonaan shir balaadhan oo kadhici doona maalmaha fooda inagu soo haya.

Shirkaas oo 5ta xisbi ee bahwadaagta la ah xisbiga EPRDF ee Soomaalida, Canfarta, Benishangul, Hararida iyo Gambella loogu soo bandhigi doono qiimayntii qotoda dheerayd ee 18ka maalmood usocotay xisbiga EPRDF siday dhacday, nidaamkii iyo geedi-socodkii qiimaynta, cid walba oo kamid ah xisbiga EPRDF iyo sidii loo qiimeeyay, cidii laga talaabaqaaday iyo waliba go’aamadii kasoo baxay si ay khibrad uga qaataan islamarkaana ay hoos ugu dhaadhiciyaan.