Garoowe  (estvlive) 21/02/2018

Saraakiisha dowlad gobolleedka Puntland ayaa sheegay howlgal ay ka sameeyeen ciidamada Buuraleyda degaanada Dha-dhaabo iyo Ceeldibir ee Buuraha Cal Madow Puntland ku dileen xubno ka tirsan Al-shabaab.

Saraakiisha ayaa sheegay in muddadii uu howlgalku socday ciidamadu dileen dagaalyahan oo ka tirsan ururka Al-Shabaab, tiro kale oo intaa ka badana ay gaarsiiyeen dhaawacyo.

Waxaa kaloo ay intaa ku dareen in ay gacanta ku soo dhigeen laba Maxbuus oo ka tirsan ururka Al-Shabaab, kuwaas oo loo gudbiyey xabsiyada magaalada Boosaaso.

Hawlgalada ka dhanka ah Al-shabaab ee ciidamada PSF-ta Puntland wadaan ayay saraakiishu sheegeen inay sii socon doonaan ilaa Al-shabaab laga soo afjarayo lagana xoraynayo Puntland iyo guud ahaan Soomaaliya.

Ururka Al-shabaab ayaa labadii bil ee ugu dambeysay waxa ay kordhiyeen weerarada iyo qaraxyada ay ka geysanayaan Puntland, inkastoo Puntland ay wado Howlgallo falalkaasi looga hortagayo.