Jigjiga (estvlive) 27/02/2018

Xafiiska caafimaadka DDSI ayay hay’ada UNFPA ku  wareejisay ambalaas casri ah oo loogu talagalay cusbitaalka magaalada wardheer.

Hadaba ambulastan casriga ah ayaa waxaa xafiiska caafimaadka DDSI ku wareejiyay madaxa hay’ada UNFPA marwo MRS. Bettina iyo kuxigeenka safaarada japan ee dalka itoobiya Mr. Akira Uchida Waxaana halkaas kaga gudoomay wasiir kuxigeenka xafiiska caafimaadka DDSI mudane Caydaruus Axmed islamarkaana mas’uuliyiintan ooga mahadceliyay ambulastan casriga ah ee ay kuwareejiyeen, Isagoo intaa ku daray in ambalustan looga faaiidaysan doono adeegyada ka shaqaynta hooyada iyo dhalaanka.

Ugu danbayna waxay wasiir kuxigeenkan iyo mas’uuliyiintu kawada hadleen sidii loosii wada xoojin lahaa kawada shaqaynta caafimaadka hooyada iyo dhalaanka iyo ka hortaga dhaqamad xunxun ee lagula kaco dumarka sida gudniinka fircooniga ahiyo adkaynta adeegooda caafimaad, Sidoo kale waxay mas’uuliyiintu islaqaateen balaadhinta adeega caafimaad ee hay’adu hada kahor kawaday deegaanka taas oo lagu salayn doono baahida caafimaad iyo ahmiyada xafiiska.