Bangladesh (NogobNews) 10/09/2016

Ugu yaraan 12 qof ayaa ku dhimatay dab xoogleh oo qabsaday mid kamid ah Warshadaha ugu waaweyn ee dharka soo saara wadankaasi Bangladhesh.

Ciidamada amniga ayaa sheegay inay baaritaan ku wadaan waxa sababay dabkan, marar badan ayey wadankaasi shilal waaweyn ka dhaceen warshadaha dharka soo saara.

Waxaa la filayaa in tirada dhimashada ay sii kororto maadaama ay jiraan dad badan oo dhaawacyo qaba, 100 qof ayaa la sheegay inay warshadaasi ku sugnaayeen xiliga uu dabkaasi dhashay.

Warshadaha dharka soo saara ayaa kamid ah waxsoo saarka ugu weyn ee dalkaasi Bangladhesh uu dibada u beecgeeyo, waxaana la sheegaa in goobaha warshadahaasi ku yaalaan aan inta badan la dayactirin.

Sadex sano ayaa laga joogaa shilkii sidan oo kale burburka ku keenay warshad dalkaasi ku taal oo dharka soo saarta oo ay xiligaasi ku dhinteen in ka badan 100 qof.