Muqdisho (NogobNews) 10/10/2016

Qarax ayaa ka dhacay maanta oo Isniin ah meel ku dhaw Suuq-bacaad magaalada Muqdisho, qaraxa ayaa ka dhashey gaari bom lagu xirey.

Afhayeenka Gobolka Banaadir Cabdifitaax Cumar Xalane ayaa warbaahinta u sheegay in ciidanka amaanku ay qabteen gaariga qarxay iyo ninkii wadey, kaas oo gaariga laga soo dejiyey, waxaana qarxay gaariga oo loo badinaayo in meel kale laga hagaayey bomka ku xirnaa.

Xalane ayaa sheegay in afar qof ay ku dhaawacmeen qaraxa kuwaas oo ahaa dad shacab ah oo ku dhawaadey gaariga la qabtey.

Dareewalkii gaariga ayaa ku jira gacanta Booliska waxaana la weydiinayaa su’aalo.

Suuq-bacaad oo ku yaala degmada Yaaqshiid ayaa ah suuqa labaad ee ugu weyn magaalada Muqdisho marka laga yimaado Suuqa Bakaaraha.