Yemen (NogobNews) 13/10/2016

Mid kamid ah Maraakiibta dagaalka ee uu Maraykanka leeyahay kuna sugan bada Cas ayaa sheegay in dalka Yemen looga soo tuuray Gantaal.

Maraykanka ayaa sheegay inay iyaguna is difaaceen oo ay duqeeyeen goobihii gantaalada looga soo tuuray ee xeebta dalka Yemen.

Waxaa la rumeysan yahay in duqeyntaasi ay ka danbeeyeen kooxda Xuuthiyiinta ah ee la dagaalameysa dowlada Yemen.

Waa markii labaad oo Maraakiibta dagaalka ee Maraykanka oo ku sugan xeebaha Yemen lagu soo tuurayo gantaalo.

Wasaarada Gaashaandhiga Maraykanka ayaa sheegtay inay burburisay qaar kamid ah Radaro yaalay goobaha laga soo weeraray oo ay gacanta ku hayaan kooxda Shiicada ah ee Xuuthiyiinta Yemen.