Jarmalka (NogobNews) 13/10/2016

Ninkii Siiriyaanka ahaa oo ay Booliiska Germany qabteen ayaa la sheegay inuu isku dilay xabsiga dhexdiisa.

Booliiska Germany ayaa ninkan oo lagu magacaabo Jabar Abu Bakar ku eedeeyey in gurigiisa laga helay waxyaabaha laga sameeyo bambaanooyinka isla markaana baxsad ahaa muddo labo maalmood ah.

Ninkan ayey booliiska gacanta kusoo dhigeen Isniintii lasoo dhaafay, waxaana qabtay dhalinyaro reer Siiriya ah oo uu gurigooda ku dhuumanayey kadib markii ay ogaadeen in ninkaasi la baadi goobayo.

Warar soo baxaya ayaa sheegaya in ninkan uu xabsiga isku dhexdilay, waxaana baaritaan lagu wadaa geerida ninkan oo aan weli lasoo taagin maxkamada. Waxaana la sheegayey inuu xiriir la leeyahay kooxda Daacish.