Hargeysa (NogobNews) 28/10/2016

Waxaa magaalada Hargeysa ka bilowday wareegii ugu danbeeyey ee ciyaaraha gobalada Somaliland, xafladii furitaanka ayaa waxaa ka qeyb galay Madaxweynaha Somaliland Axmed Siilaanyo iyo xubno ka socda Xukuumadiisa.

Koobkan Gobalada Somaliland ayaa waxaa hada ku tartamaya 8 gobal oo kasoo baxay kuwa gobalada Somaliland u diiwaangashan oo horey ugu soo loolamay is reeb reebkii koowaad oo ka dhacay Boorama iyo Burco.

Madaxweynaha Somaliland Axmed Maxamed Siilaanyo ayaa ku tilmaamay ciyaarahan ka bilowday Istaadiyumka Hargeysa mid guul u ah Somaliland.

Ciyaartii lagu furay koobkan ayey dhexmartay xulalka gobalada Saaxil iyo Xayeysimo oo kusoo dhamaatay 4-0 oo ay ku badisay kooxda Saaxil.