Qabridahare  (NogobNews) 29/10/2016

Waxaa magaalada Qabridahare ee xarunta Maamulka gobolka Qoraxey Siweyn looga soo dhaweeyay Masuuliyiin ka tirsan Jaaliyadda DDSI ee dalka Denmark Wafdi ayaa waxaa hogaaminayay Gudoomiye Kuxigeenka Jaaliyadda DDSi Ee Dalka Denmark Mudane Cabdirisaaq Maradoona.

Wafdigan ayaa waxaa garoonka diyaaradaha ee Caalamiga ee Magaalada Qabridahare Siweyn ugu soo dhaweeyay Masuuliyiita sare oo ka tirsan Xukuumadda DDSi oo uu ka mid yahay Gudoomiyaha Xisbiga dimuqoraadiga Shacabka Somalida itoobiya ahna Afhayeenka Baarlamaanka DDSI Mudane Maxamed Rashiid Isxaaq, Wasiirka Ganacsiga DDSI Ahna Madax Arrimaha Xisbiga Ee Xarunta dhaxe Mudane Khadar Cabdi Ismaaciil, Wasiir kuxigeenka Xafiiska TVET-KA DDSI Mudane Cabdirisaaq Saxane Cilmi iyo Mas’uuliin kale

Wafdigan ayaa socdaalkooda ku wajahan in ay ka qeybgalaan Shirweynaha 9aad Ee X.D.SH.S.I ee lagu Qaban doono Tuuladda Maraacaato oo ka Tirsan Degmada Qabridahare ee xarunta maamulka Gobolka Qoraxay waxaa maal-gelisay Qabridahare ku soo qulqulaya Wafuud kala duwan iyo Qurbajoog ka kala socota daafaha dunida

Ugu dambeyn, Wafdigan oo lahadlay Warbaahinta DDSI ayaa sheegay in ay aad ugu faraxsan yihiin sida weyn ee loo soo dhaweeyay ugana mahadcelinayaan Mas’uuliinta sare ee Xukumadda DDSI islamarkaana ay ku faraxsan yihiin in ay ka soo Qeybgalaan shirweynaha X.D.SH.S.I,