Siiriya (NN) 11/11/2016

Qaramada Midoobay ayaa digniin kasoo saartay xaalada magaalada Aleppo (Xalab ) iyo shacabka ay soo wajahday macaluulsha oo hada gaartay heerkii ugu xumeyd.

Lataliyaha UNta ee arrimaha bini´aadamnimada Jan Egeland ayaa sheegay in xogta ay hada hayaan ay sheegayso in xaafadaha ku yaal bariga magaalada Aleppo ay gebi ahaan ka dhamaatay kaydkii cuntada.

Magaaladaasi oo ay dagaalo culus ka socdaan ayaa waxaa sidoo kale ka dhamaatay daawadii tiilay goobaha faro-ku-tirska-ah ee caafimaadka.

UN-ta ayaa ka codsatay dhamaan dhinacyada ku dagaalamaya magaalada Aleppo inay wadooyinka u baneeyaan gaadiidka gargaarka u sida shacabka oo illaa iyo hada la´a wado ay u maraan in ka badan 250 kun oo qof oo weli magaaladaasi ku xaniban.