Hargeysa (ESTVLIVE.COM) 24/11/2016

Madaxwaynaha Dawlada Deegaanka Soomaalida Etoobiya Cabdi Maxamuud Cumar Hogaamiye Bulshadiisa U Horseeday Nabad, Horomar Iyo Barwaaqo Taariikhdu Ma Halmaami Doonto.

Heestani Waxay Ka Curatay Booqashadii Sideed Sanno Ka Dib Aan Ku Tagay Caasimada Dawlada Deegaanka Soomaalida Itoobiya Ee Jigjiga Iyo Isbadalada Baaxada Leh Ee Dhanka Horomarka Ee Ay Ku Gaadhay Hogaaminta Suuban Ee Madaxwayne Cabdi Maxamuud Cumar.

Ugu horayn waxaan Salaamayaa dhamaan Hawl wadeenada ESTV iyo Shabakada Nogob Mar kale Hogaaminta iyo Kartidu waa Galad Eebee Heesta ( DUCO ) waxay hordhac u tahay Qormooyin Taxane ah oo idinku soo hagaajin doono Cinwaankiina Bulshada Soomaaliyeed ugu iftiiminayo Nabada, Horomarka iyo Barwaaqada uu u horseeday Madaxwaynaha Dawlada Deegaanka Soomaalida Itoobiya Cabdi Maxamuud Cumar Dadkiisa iyo Dalkiisa Hooyo oo Maanta Madaxwaynaha Dawlada Deegaanka Soomaalida Itoobiya Cabdi Maxamuud Cumar ka dhigtay Hormoodka Madaxwaynayaasha Afka Soomaaliga ku hadla marka si dhab ah loo qiimeeyo Horomarka Baaxada leh ee uu Muddo Lix Sanno iyo Bilo ah uu ku Talaabsaday iyadoo Heestan iyo Murtida ay Xambaarsan tahay iftiimin doonto Baaxada Horomarka Muuqda iyo Barwaaqada uu u Horseeday Dawlada Deegaanka Soomaalida Itoobiya Madaxwayne Cabdi Maxamuud Cumar waxaanay ku bilaabantay Midhaha Heestu sidan .

Dawankiyo damaashaadka dhaqan dananka yeedhaaya

Duco heesa waa laga tirshaa daa”in abidkeede

Dulqaadkaaga Eebow adaa lagu dakeeyaaye

Madaxwayne qorshaha noo dajoo daacad ku hogaansha

Nabad diid dhamaantii ninkaa dumiyay yoolkooda

Nin daneeya baahida dadkoo danaha guud eega

Damanaha warmooga ah ninkaa ugu dadaalaaya

Daldaloolka nin naga awdayoo naga daboolaaya

Daba socodka duumada qabiil naga dawaynaaya

Dufan jecel danaystaha u badan daalin naga jooja

Dalkeenii mudnaa ninkaa dayaxa gaadhsiiyay

Dab la shiday sidiisii ninkaa nolosha noo daaray

Noo daa Allahayow adaan kaa dalbanayaaye

Noo door Allahayow adaan kaa dalbanayaaye

Noo Daa Allahayow adaan kaa dalbanayaaye

Dagmo quruxsan Eebow ku gee labada daaroodba

Dakhligiyo cashuuraha ninkaa nagu daryeelaaya

Dariiqyada nin noo wada dhisoo dawga ku hagaaja

Duunyada kuwaa raacayee duurka badi jooga

Nin duleedka dooxyada u mara dhaamam uga dayra

Nin daryeela maatada dalkoo dayrin noloshooda

Dufan jecel danaystaha u badan naga dabaalaaya

Danbiilaha dhamaantii ninkaa dacarta leefsiiya

Talo dalable ninaan nagu dayayn dabina noo qoolin

Dalkaba nin wada gaadhayoo dacal seegaynin

Ducadiisa nin uu Eebahay deeqo nagu siiyo

Dalkeenii mudnaa ninkaa dayaxa gaadhsiiyay

Dab la shiday sidiisii ninkaa nolosha noo daaray

Noo daa Allahayow adaan kaa dalbanayaaye

Noo door Allahayow adaan kaa dalbanayaaye

Noo daa Allahayow adaan kaa dalbanayaaye

Dagmo quruxsan Eebow ku gee labada daaroodba

Waa Erayadii Qoraaga iyo Abwaanka Sacad Maxamuud Cumar ( Sacad X Gadhle ) Hargaysa S/land

Tell: 0634669910 waryaqaan@gmail.com