Muqdisho (NN) 28/11/2016

Koox hubeysan ayaa gudaha u galay xarunta jaamacadda SIMAD ee magaalada Muqdisho ee caasimadda dalka Soomaaliya.

Dableyda hubeysan ee u gudaha u galay jaamacadda ayaa ku labisnaa dereeska ciidanka dolwdda Soomaaliya, waxa ayna dhammaayeen lix qof sida uu warbaahinta u sheegay gudoomiyaha jaamacadda Daahir Xasan Cabdi.

Waxa uu intaasi ku daray gudoomiyaha jaamacadda SIMAD Daahir Xasan Cabdi in raga hubeysan ee gudaha u galay jaamacadda ay xabado ridayeen, taasna ay keentay in ardayda qaarkood derbiyada ka boodaan .

…Jaamacadda ma lahan wax ilaalo ah, ardayda casbi ayaa ku beermay arintan markay dhacday oo koox koox ayey u taagnaayeen iyagoo ka muuqatay cabsi ayuu yiri gudoomiyaha jaamaacadda SIMAD Daahir Xasan Cabdi

Sababta keentay in rag hubeysan ay guda u galaan jaamacadda ayuu gudoomiyaha ku sheegay in kooxdaasi ay doonayeen in ardayda ka furtaan moobilada iyo agabka kale ay wateen. iyadoo qaarkood ardayda ay ka qaateen moobiladii ay wateen.