Israel (NN) 28/11/2016

Diyaaradaha dagaalka ee Isra’iil ayaa duqeeyey deegaano ka tirsan dhulka Buuraleyda ee Golan oo ay saarantahay xaduuda Isra’iil la leedahay Siiriya, halkaasi oo ay soo galeen kooxo ka tirsan Daacish.

Koox la baxday Yarmuuk oo dhawaan ku biirtay Daacish ayaa la sheegay inay hoobiyayaal ku tuureen fariisimaha ciidamada Isra’iil ku leeyihiin buuraha Golan ee dalkaasi Siiriya.

Isra’iil oo duqeynta uga jawaabtay weerar dhanka cirka ah ayaa sheegtay in ay dileen qaar ka tirsan kooxda weerarada duqeynta ah kusoo qaaday. Waa markii ugu horeysay oo ay diyaaradaha Isra’iil duqeeyaan kooxaha mucaaridka Siiriya ee ku sugan dhulkaasi buuraleyda ah, balse Israel waxay horey u duqeysay intuu socday dagaalka sokeeye ee Siiriya xarumaha kaydka hubka u ah dowlada Siiriya iyo waliba qaar kamid ah Xoogaga Xisbullah ee gacanta siinaya Xukuumada Bashar Al Assad.