Mareykanka (NN) 05/12/2016

Ugu yaraan 33 qof ayaa ku dhimatay dab xoogleh oo qabsaday Daar ay ka dhaceysay xaflad oo ku taal magaalada Oakland ee gobalka California dalka Maraykanka.

Ciidamada dab-damiska ayaa weli wada baaritaan ay ku baadi goobayaan meydadka ku jira gudaha daartaasi gubatay oo la sheegay in xiliga uu dabka qabsaday ay ku sugnaayeen boqolaal dad ah oo halkaasi u tagay bandhig heeso oo goobtaasi ka dhaceysay habeenimadii Jimcaha.

Waxaa la filayaa in tirada geerida ay sii kororto maadaama aan weli la helin qaar kamid ah dadkii goobtaasi ku sugnaa oo la rumeysan yahay inay dabkaasi ku dhinteen.

 

[AdSense-A]

Waxaa socda baaritaan lagu wado waxa dhaliyey dabkan oo ay khasaara nafeed oo baaxadleh geystay. Ciidamada gurmadka ayaa sheegay in caqabad badan ka qabsatay inay dabkan damiyaan kadib markii uu dabka usii gudbay alaabo badan oo dhexyiilay daartaasi gebi ahaan basbeeshay.