Qandala (NN) 07/12/2016

Wararka ka imaanaya degmada Qandala ee gobolka Bari ee Puntland-Soomaaliya ayaa sheegaya in ciidanka Puntland ay dib ula wareegeen degmadaasi oo in muddo ah ku sugnaayeen maleeshiyaad taabacsan kooxda Daacish.

Ciidanka Puntland ayaa labo jiho ka galay degmada Qandala dhinaca badda iyo berriga, iyadoo aysan wax iska hor imaad ah kala kulmin kooxdii ku sugnayd oo isaga baxay degmada

 

[AdSense-B]

Ilaa iyo hadda lama oga halka ay u baxsadeen kooxdii ku sugnayd degmada Qanada, balse waxaa la rumeysan yahay in ay u baxsadeen dhinaca buuraha.

Puntland ayaa sheegtay in dhawaan warbaahinta u soo bandhi doonto howl galkii ka dacay degmada Qandala.