Masar (estvlive) 26/07/2017

Dad gaaraya 7 qof ayaa shalay ku dhintay weerar loo adeegsaday gaari bambaano lasoo saaray oo lagu qarxiyey goob ay ciidamada ku baaraan gaadiidka gobalka Sinaay.

Ciidamada ku sugan goobtaasi ayaa isku dayey inay ka hortagaan gaarigaasi qaraxa saarnaa markii uu goobtaasi soo istaagay, waxayna u adeegsadeen gaari Tangi ah oo ay dusha ka mariyeen si degdegleh gaarigaasi bambaanada siday.

 

Dad badan oo isugu jira Shacab iyo militari ayaa goobtaasi ka cararay kahor intuusan gaariga qarxin, walow la sheegay in tilaabada ay qaadeen askarta Taangiga waday ay badbaadisay in badan oo kamid ahaa dadkii goobtaasi ku sugnaa.

Waxaase dadka goobta ku dhintay kamid ahaa shacabkii ku jiray gaawaridii goobtaasi taagneyd qaarkood, waxaana ku jiray dadka halkaasi ku dhintay labo caruur ah.

Ciidamada Masar ayaa sanadihii lasoo dhaafay dagaalo adag kula jira kooxo hoostaga Daacish oo ku sugan gobalka Sinaay, kuwaasi oo sidoo kale weeraro dilal iyo qaraxyo ah ka geystay magaalooyinka waaweyn ee wadankaasi.