Buula-mareer (estvlive) 30/07/2017

Xarrakada Al-shabaab ayaa war ay soo saareen ku sheegay in 39 askari oo ka tirsanaa howlgalka midowga Africa ee AMISOM ku dilleen dagaal ka dhacay subaxnimdii hore ee saakay ka dhacay meel u dhaw deegaanka Buula-mareer ee gobolka Shabeellaha hoose.

Dagaalka ayaa dhacay kaddib markii Al-shabaab ay waddada u galleen gadiid ay la socdeen ciidamada AMISOM oo ku sii jeeday deegaanka Buula-mareer.

Gollanyada ciidamada AMISOM ayaa la sheegay in dhowr jiho weerar looga soo qaaday, waxaana weerarka xoogiisa uu ka dhacay deegaanka Golweyn.

Marka laga soo tago sheegashada Al-shabaab ma jiro wax war ah oo ka soo baxay dhinaca saraakiisha AMISOM.

Gobolka Shabeellaha hoose ayaa ah gobolka ugu badan oo ay ka dhacaan dagaallada dhaxmara ciidamada AMISOM iyo Al-shabaab.