Salaasadii shalay ayaa codka kalsoonida markale loo qaaday Mr.Zuma oo bilihii lasoo dhaafay ay hareeyeen eedeynmo la xariira musuq maasuq iyo dhaqaalaha hoos u dhacay ee dalkaasi.

 

Xisbiyada Mucaaridka oo isubaheystay ridida Madaxweyne Zuma ayaa ku guuleystay in Baarlamaanka codka kalsoonida u qaado Madaxweynaha, isla markaana codka laga dhigo mid “Qarsoodi” ah.

Waxay mucaaridka rajeenayeen in codod dheeraad ah heli doonaan oo ay taageero ka heli doonaan xildhibaanada xisbi Xaakimka ANC hadii codka qarsoodi laga dhigo.

Codbixinta ayaa waxaa si dirqi ah ku guuleystay taageerayaasha Zuma, 198 xildhibaan ayaa difaacay Zuma halka ay kalsoonida kala noqdeen 177, waxaa codbixinta ka aamusay 9 xildhibaan. Baarlamaanka dalkaasi ayaa ka kooban 400 xildhibaan.

Zuma oo taageerayaashiisa kula hadlay magaalada Cape Town codbixinta ka dib ayaa sheegay in mucaaridka ay wax “khiyaali” ahiska dhaadhiciyeen oo ay aamineen in uusan taageero weli ku dhexlahayn xisbigiisa ANC oo uu sheegay inuu yahay kan taageerada ugu badan ka heysta shacabka dalkaasi.