Sweden  (estvlive) 05/12/2017

Kulan ay soo qabanqaabiyeen Xubno kamid ah Jaaliyada Dawlad Deegaanka Soomaalida Itoobiye ee wadanka Sweden ee kasoo jeeda Gobolka Faafan Degmooyinka Tuli-Guuleed, Baabili iyo Jigjiga.

Waxaana kasoo qayb-galay qaybaha kala duwan ee bulshada, Hogaaminta Jaaliyada Guud iyo Qusulka Safaarada Dawlada Federaalka Itoobiya ee wadanka Sweden ayaa ka qabsoomay Magaalada Stockholm.

Kulankan oo ay ujeedadiisu ahayd adkaynta xidhiidhka u dhaxeeya Qurbajoogta kasoo jeeda Dawlad Deegaanka Soomaalida Itoobiya iyo wadankoodii hooyo ayaa xubnaha Jaaliyadu ku bogaadiyeen horumarka iyo Nabadgaliyada Deegaanka iyaga oo baaq nabadeedna u diray adkaynta nabad kuwada noolaanshaha qowmiyadaha dariska ah islamarkaana dawlada Federaalka Itoobiya ka codsaday inay sugto nabadgaliyada muwaadinkasta oo Itoobiyaan ah.