Jigjiga (estvlive) 15/01/2018

waxaa jirta in  xukuumada DDSI hayso agoon tiro badan oo  waalidkoodii ay laayeen  ururkii nabadiidka ahaa  ee    iyaga oo difaacaya islamarkaana sugaya amniga shacabka deegaanka iyo kan dalkaba Iyo  qaar ku waayay  waalidkoodii nidaamka dawliga ah ee ay ku jireen darteed.

haddaba, xukuumada DDSI oo taa ka duulaysa ayaa si ay kor ugu soo qaado nolosha agoonta deegaanka  waxay caruurtii waalidkood laayeen  nabadiidku u  samaysay hoy ay ku daryeesho oo leh waxbarsho heer sare ah taasi oo keentay in arday tiro badan  oo agoon  ah oo ka qalin jabiyay  dugsiyada hoyga ay waxka bartaan jaamacadaha kala duwan ee  dalka.  iyada dhinaca kale xukuumada DDSI  ay hirgalisay shirkado iskood uga shaqaysta wax soo saarka beeraha, xanaanada xoolaha iyo noocyada kala duwan ee ganacsiga  kuwaas oo faa’iidada ay sanadkiiba  soo saaraan hal mar  lagu caawiyo agoonta kala duwan ee deegaanka .

haddaba waxa maanta si siman iyo si bakhtiyaa nasiib ah madasha kulamada ee qaryaan dhoodaan loogu qaybiyay lacag aad u tiro badan  1,336  agoon ah  oo laga soo kala xulay 11ka gobol ee deegaanka iyada oo la eegayo sida ay noloshoodu u kala liidato ayaa faa’iidada ay soo saareen sanadkan shirkadaha ku bahoobay agoonta deegaanka oo dhan 80 millyan loogu qaybiyay si bakhtiyaa nasiib ah  waxaana  lacagta sida  bakhtiyaa nasiibka  loogu qaybiyay isugu  jirtay  50,000kun,  200,000kun 500,000 kun , 750,000kun,  1millyan ilaa 3millyan.

Waxaa kale oo  236 agoon ah si   guud  loo dhex dhigay  bakhtiyaa nasiib ah  3 millyan  oo uu hal qof oo ka mid ah agoonta uu  qaadanayay waxaana, ku guulaysatay bakhtiyaa nasiibkaasi dhan 1ka millyan  marwo Layla faarax oo ka timiday degmada Qubi Tuulada Fooqdheere  tuulo  hoosaadkeeda Qarari  waxayna  sheegtay in ay tahay gabadh uu ninkeedu ahaa maleeshiyada degmada islamrakaana uu ku shihiiday isaga oo difaacaya shacabwaynaha qaranka  itoobiya.

Isku soo wada duub oo dadaalka ay xukuumadu ugu jirto kor u qaadiska nolosha agoonta uu waalidkoodii laayay nabaddiidku ayaan hayn markii koowaad iyo markiilabaad toona ee waa mid joogta ah oo sanad walba faa’iidada ay soo saaraan shirkadaha ku bahoobay agoonta deegaanka sanadkasta halmar loogu deeqo malaayiin lacag ah kumaan  agoonta laga soo kala xulay guud ahaanba deegaanka iyada oo loo eegaya sida ay noloshoodu u kala liidato.